AUNDHA NAGNATH

ઔઢા- Aundha Nagnath, Maharashtra – નાગેશ્વરનું મંદિર કાળા પથ્થરનું બાંધેલું છે. તેની દિવાલોમાં નકશી કામ કરેલું છે. આ મંદિર ફરતો 5 થી 6 મીટર ઉંચો કોટ છે. આ કોટની અંદર 46 મીતર લાંબો અને 22 મીતર પહોળો એક ચબુતરો છે. તેની ઉપર ઘુમ્મટદાર ઇમારત ચણેલી છે. આ ઇમારતને નામદેવની સમાધિ કહે છે. આ યાત્રા ધામમાં નાગનાથના દર્શન મુખ્ય છે. મંદિરની અંદર અંધારું કાયમ રહેતું હોવાથી ઘીનો દીવો અખંડ બળ્યા કરે છે અને તેના અજવાળાથી મહાદેવના દર્શન થાય છે. નાગેશ્વરનું શિવલિંગ એક હાથ જેટલું ઉંચું છે. આ મંદિરની પાસે એક નાગતીર્થ કુંડ છે. આ મંદિર અને નામદેવ અંગે એક કથા છે. એક વખત નામદેવ તેમના ગુરુ જ્ઞાનદેવ અને ભક્તો સાથે ભજન ગાઇ રહ્યા હતા ત્યારે પુજારીએ કહ્યું કે તેમના ભજનથી પૂજામાં તકલીફ પડે છે તો તેઓ મંદિરની પાછળ જઇને ભજન કરે. પછી બધા મંદિરની પાછળ જઇને ભજન કરવા બેઠા. પણ ભગવાન શિવ ભક્તોના ભજન સાંભળવા તેમની સન્મુખ થઇ ગયા. આની સાબિતિ એ છે કે પોઠીયો મંદિરની પાછળ છે. શીખ ધર્મના સ્થાપક ગુરુ નાનક પણ તેમના તિર્થ ભ્રમણ દરમ્યાન અહીં પધારેલા છે. શીખ ધર્મમાં નામદેવના કિર્તનો “ભગત નામદેવ “ ના નામથી ગવાય છે.
ઉત્તરાખંડ અને કચ્છમાં પણ નાગેશ્વરના મંદિરો છે પણ શ્રી શંકરાચાર્યે આ નાગનાથને પ્રમાણ કરેલ છે.


નકશામાં ઔઢા નાગનાથ Aundha Nagnath, Maharashtra જોવા માટે અહીં ક્લીક કરો