Srirangapatna શ્રીરંગપટનમ

મૈસુરની આ પ્રાચીન રાજધાની હતી. કાવેરી, હેમાવતી અને ભવાની નદીઓનો સંગમ છે. નદીઓની સભામાં એક વાર ગંગાએ પોતાની પવિત્રાતાના અભિમાનથી કાવેરીનું અપમાન કર્યું. પરિણામે કાવેરીએ દેવાધિદેવ વિષ્ણુને રીઝવવા તપ કર્યું. પ્રસન્ન થયેલા દેવે વરદાન આપ્યું અને કાવેરીએ દેવ પાસે પોતાનો ખોળો પાવન કરવા માગણી કરી. કાવેરીમાં ત્રણ સ્થળે આવેલાં શ્રીરંગનાં મંદિર આ કથા સાથે સંબંધ ધરાવે છે. ત્રણ જગ્યાએ કાવેરી નદી બે ધારામાં વહેંચાય છે અને પછી આગળ એક ધારામાં વહે છે. બે ધારામાં વહેવાથી જે દ્વીપ બને છે તે અતિ પવિત્ર માનવામાં આવે છે. દરેક દ્વીપમાં શ્રીરંગનું મંદિર છે. જે આદિરંગમ(શ્રીરંગપટ્ટનમ), મધ્યરંગમ(શિવસમુદ્રમ) અને અંતરંગમ(શ્રીરંગમ) તરીકે ઓળખાય છે. આ સ્થળ (પ્રથમ) આદિરંગ કહેવામાં આવે છે. અહીં રંગનાથ મંદિરમાં 16 ફુટ લાંબી સૂતેલી મૂર્તિ છે. એમ કહેવાય છે કે ગૌતમ ઋષિએ અહીં તપ કર્યું હતું અને તેમણે જ શ્રીરંગની સ્થાપના કરી હતી. શ્રીરંગ મંદિરની સામે જ શ્રીલક્ષ્મીનૃસિંહ મંદિર છે.

નકશામાં શ્રીરંગપટનમ જોવા માટે અહીં ક્લીક કરો